කලවානේ ඓතිහාසික ස්ථාන

කලවානේ ඓතිහාසික ස්ථාන

අරුග්ගොඩ ශ්‍රී පත්තිනි දේවාලය

අරුග්ගොඩ දේවාලෙයේ කපු පරපුර පහත පරිදි වෙයි.

රා.ව.1440 මැණික් බණ්ඩාර කපු නිළමේ(අන්වර්ථ නාමය හිටි හාමි වේ)

රා.ව.1485 කලුබණ්ඩාර කපු නිළමේ

රා.ව.1527 නීලවංශ කපුරාළ

රා.ව.1575 බණ්ඩි කපුරාළ(අන්වර්ථ නාමයකි)

රා.ව.1613 මුදළිබණ්ඩාර කපුරාළ

රා.ව.1646 දෙල්ගොඩ විජේතුංග  අතපත්තු මුදළි(11 රාජසිංහ රජුගේ සන්නස නින්දගම)

1710 ඉබිකපුරාළ(අන්වර්ථ නාමයකි)

1764 පරංගි කපුරාළ(අන්වර්ථ නාමයකි)

1808 ඒ.කේ.රත්රංහාමි

1877 ඒ.කේ.ලොකුඅප්පුහාමි

1937 ඒ.කේ.පොඩි අප්පුහාමි

1982 ඒ.කේ.ගුණවර්ධන

1987 ඒ.කේ.සුනිල් ජයතිස්ස

මහා පරාක්‍රමබාහු රජුගේ පියාවන මානාභරණ රජු මෙහි සිටි බවට මතයක් ඇත. ලංකාවේ ඇති පත්තිනි දේවාල අතුරින් පත්තිනි දෙවියන්ගේ ආභරණ ඉබේ පහලවූ එකම ස්ථානය ලෙසින් මෙම ස්ථානය සැලකේ. 1440 දී මෙම පහල දේවාලය ඉඳිවී ඇති අතර  මීට ඉහලාන් ඇති කැලෑව තුල ඇති ගල්ලෙන ඉපැරණි දේවාලය ලෙසින් සැලකේ. මේ පිළිබඳව සඳහන් නෘත්‍යනුබෝදාවලිය නැමැති පුස්කොලපොතක් පිළිබඳව සඳහන්වේ. වාර්ශික ගී මඩු උත්සවයක් පැවැත්වෙන අතර සබරගමු නැටුම් පරපුරක්ද ඒ හා සමග ආබද්ධවි ඇත.

ශ්‍රී ගංගාරාමය-පිටිගලකන්ද

1898 සඳහන් ගල් ටැඹක් සහ ඒමත  පිහිටි ගල් පුවරැවක් දක්නට ලැබෙන අතර, එම ගල් පුවරැවෙහි යොදාඇති සටහන් හඳුනාගත නොහැක. මේ පිළිබඳව කිසිඳු විස්තරයක් අනාවරණයනෛාවේ.

නෙරවන ගල්ලෙන

ආචාර්ය පී.ඊ.පී. දැරණියගල හා ශිරාන් දැරණියගල යන විද්වතුන්ගේ කරුණු අනුව සබරගමුව වසර 30000 කට වඩා පැරණි සංස්කෘතියකට අයත් භූමියකි.මෙයින් රත්නපුර සංස්කෘතියට අයත් නටඹුන් කුකුලේගම නෙරවන ගල්ලෙනෙන් මතුවී ඇත. ඒවා රත්නපුර ජාතික කෟතුකාගාරයේ තැන්පත් කර ඇති අතර ඒ අනුව මෙහි ඉතිහාසය ආදී ශිලායුගය දක්වා විහිදේ. මෙහිදී කෞතුකාගාරයේ තැන්පත් ගල් මෙවලම් අතර ආදවාසීන් පාවිච්චි කළ ගල් ආයුධ තිරිවානා ගල් පතුරැ සහ සත්ව ඇටකටු දියබෙලි කටු ආදියද වෙයි  . ඊට අමතරව මෙම ගල්ලෙනෙන් සොයාගත් සායම් වර්ගද ගල් විදිනලද ගල්ද ඇත. මේවා ගල්ගුහාවේ අඩි 2-4 අතර කැනීමේදී ලබාගත් බව සදහන්වේ.  

ශ්‍රී අභිනවාරාමය-වැවගම

වසර 100 කට වඩා වැඩි ඉතිහාසයක් පෙනෙන බුදුමැදුරක් හා නටඹුන් වෙමින් පවතින චිත්‍රත් මෙහි දක්තට ලැබේ.  මෙහි ඉතිහාසය පිළිබඳව තොරතුරු අනාවරණය නොවේ.

Add caption

Add caption

ශ්‍රී විජයරාම පුරාණ ගල්ලෙන් විහාරය

වසර 100 කට ආසන්න වෙමින් පවතිතැයි අනුමාන කෙරෙන මෙම ගල්ලෙන තුල පිහිටි විහාරයේ ගල් බිත්ති මත සිතුවම් දක්නට ලැබේ.

කිරාවැව

උතුරු වැද්දාගල ප්‍රදේශයේ , කලවාන වැද්දාගල මහා මාර්ගය අසල පිහිටි කිරා නැමැත්තෙකු විසින් තනි උත්සාහයෙන් ඉදිකරන්නට යෙදුන් කුඩා ජලාශයකි. ඒ අසල පිහිටි කුඹුරු යාය පෝෂණය කිරීම සඳහා සකස් කරන ලද කුඩා වාරි පද්ධතියකින්ද සමනිවිත වේ.